Gin pahayag ni Bicol Saro Party-list Rep. Terry Ridon nga iginkokonsidera na niya nga “tapos na” an istoryahon han confidential funds misue, bribery, ngan unexplained wealth kontra kan Vice President Sara Duterte, ngan suprisyente na gihapon an mga ebidensya agud makagpagawas hin probable cause ha impeachment case.
“Tapos na ‘yung usapan ng confidential funds misisuse, tapos na ‘yung usapan sa unexplained wealth. Tingin ko may probable cause doon as dalawang bagay na iyon,” sumala kan Ridon ha usa nga pahayag dida han Dominggo.
Sumala kan Ridon, klaro nga mayda madig-on nga basaranan an mga alegasyon, partikular an report han Anti-Money Laundering Council nga nagpapahayag nga mayda sobra-kulang P6.7 billion “covered” ngan “suspicious” transactions nga konektado kanda Sara Duterte ngan ha iya asawa nga hi Manases Carpio tikang han tuig-2006 kutob 2025.
Duon pa hini, bisan pa sidngon nga inflows ngan outflows an mga transaksyon, nagpapabilin nga dako an agwat kumpara ha gindeklara nga karikuhan han Bise Presidente.
Gintudlok gihapon hini an P40 million nga transakyon dida han 2022 nga dire tugma ha deklarasyon han net worth nga ada ha P70 million la.
Dugang pa ni Ridon, bisan an kabug-usan nga kita han mag-asawa kumo mga abogado ngan opisyal han gobyerno, pati na gihapon an ira income tax records nga ginbabana-bana ada ha P73 million, in dire makakag-eksplikar ha bilyones nga transaksyon han salapi ha ira mga account.
Samtang, ginlalauman nga pagdedesisyunan ha Abril 29 an magigin pinal nga pitad han House Justice panel kasumpay han impeachment complaint konra kan VP Sara.
