Ginklaro ni Bicol Saro Rep. Terry Ridon, presente nga Co-Chair han House Infrastructure Committee ngan membro han House Foreign Affairs Committee, nga waray kapas an Department of Foreign Affairs (DFA) o an sekretarya hine nga basta-basta nala nga magkansela hin pasaporte han usa nga Pilipino hin waray mando tikang ha korte.
Sumala kan Ridon, klaro nga nakasurat ha Section 10 han Philippine Passport Act nga kinahanglan hin court order agud makansela an pasaporte han usa nga tawo nga nasirotan hin kriminal nga kaso, usa nga pugante, o gin aalegar nga terorista.
Pag-eksplikar pa hine, waray probisyon ha balaod nga nagtutugot ha DFA nga unilaterally o mag-usa la nga magkansela hin pasaporte bisan paman kun ha ngaran ine han ‘national security.
Dugang pa han Kongresista, kinahanglan dungan nga igkonsidera an Section 4 ngan Section 10 han balaod ha ngatanan nga istoryahon may paghisumpay ha nasyunal nga seguridad.
Subay ha Section 4, bisan man kun gintatagan-duon an proteksyon han nasud, dire ine pwede gamiton kumo basaranan agud kanselahon an pasaporte hin wara judicial authorization.
Baton ine ni Ridon, butnga han mga report nga daw pagkansela han DFA han pira nga pasaporte mahitungod ha isyu panseguridad.
Nanawagan hi Ridon ha gobyerno nga igrespeto an nagpapadayon nga balaod ngan katungod han kada Pilipino.
