NATIONAL–Gindiwara ni anay Senador “Bong” Revilla nga magpapasulod ine hin plea ha kaso nga malversation, nga waray ginrerekomenda nga pyansa, ha iya utro nga pag-atubang ha Sandiganbayan para ha arraignment yana nga adalw.
Kasumpay hine an Sandiganbayan Third Division na an nagpasulod hin not guilty plea para kan Revilla.
An nasabi nga kaso in kanit ha P92.8-B nga ghost flood control project ha Pandi, Bulacan.
Nanguna nga nagpasulod an Sandiganbayan hin not guilty plea para kan Revilla, mahuman nga igdiwara hine an pagpasa han iya plea ha kaso nga graft kanit gihapon ha ginaalegar nga maanomalya nga proyekto.
Ha gawas naman hiton Sandiganbayan, utro nga nagpaangbit hin suporta ha anay Senador an iya mga tagasuporta nga nanawagan ha release han anay Senador.
Samtang, umatubang gihapon ha anti-graft court hi anay Department of Public Works and Highways (DPWH) Bulacan engineer Brice Hernandez para han iya arraignment.
