ODD – Usa nga retirement home para ha mga lagas na nga misay an gin-abrehan ha England.
An mao nga retirement home in gintindog han Lincolnshire Trust of Cats.
Ini in usa nga kakaiba nga urukyan ngan pinakasyahan nga retirement home ha bug-os nga kalibutan para ha mga misay nga lagas na.
Ha pagkayana in sobra 100 na mga mga old cats an nag-uukoy ha mao nga retirement home.
Iginhahatag ha mga misay an ira mga panginahanglan agud na maging komportable hira ha ira mga nasasalin nga kinabuhi.
Sumala ha mga nagtatagmangulo ha mao nga retirement home, gin abrehan nira ini tungod nga naluluoy hira ha mga lagas na nga mga misay nga gin-aabandona nala han ira mga tag-iya.
Bisan man kun damo an nagkukupkop hin mga misay, kasagaran nga dire ginpipili han mga nag-aampon an mga lagas na nga misay sanglit permanente an mga may edad na nga mga misay in naabandona ngan waray kaupod.
Sanglit gintindog nira an Lincolnshire Trust nga magsisiguro nga magiging malipayon ngan komportable an kinabuhi han mga lagas nga misay.
Haluag an ira lugar ngan kompleto gihapon ha mga gamit nga sugad han heater agud nga dire hagkuton an mga misay.
Mamahalon gihapon nga mga pagkaon an iginhahatag ha mga ini.
Labot la ha pagkupkop, nakarawat gihapon hira hin mga kalagsan nga misay nga dire na akos alagaan han ira mga tag-iya.
Kinahanglan la nga magbayad hin $1,300 o P45,000 para hira na an mag-atiman han misay.
