TACLOBAN CITY– Na-araba an pira nga mga negosyante han bugas ha syudad, matungod nga sayop an pagpapatuman hin implementasyon ha pampresyuhan ha pagbabaligya hiton bugas.
Sumala kan Eastern Visayas, Grains Retailers Confederation, President Frederic Dy, waray problema ha ira nag mga negosyante an mga plano hiton gobyerno, sugad han pagdeklara hiton Food Security Emergency, matungod nga ginhuhuna-huna hine an katungod han publiko ngan han kadam-an.
Dugang pa niya, an nadako han ganansya iton mga importers, matungod nga gin-ibanan ine hin 20% taripa ha kaluyo nga waray humamubo an presyo han bugas.
Gindig-unan hine nga kawang an pagpatuman han pagpahamubo hiton bugas, matungod nga nagigin kairo an mga gudti nga retailers hiton bugas.
Nagsuhestyon ine, nga unahon hiton gobyerno nga pahamub-an an presyo ha mga importers ngan traders, ugsa ha mga retailers.
Ginmalatumat pa hine, nga nakukurian an mga retailers, matungod nga kun na-angkat hira hin mahal nga produkto, makuri para ha ira nga igbaligya ine ha barato nga presyo.
