-- Advertisements --
NATIONAL NEWS– Magpapadayon la gihapon an resupply mission ha West Philippine Sea ha kaluyo han nahereport nga pan-agaw ngan paglabog han personnel hiton China ha food supplies han mga sundalo nga Pilipino nga nakabantay ha BRP Sierra Madre ha Ayungin shoal ha kasagsagan han airdrop mission han bulan hiton Mayo.
Sumala kan Bureau of Fisheries and Aquatic Resources (BFAR) spokesman Nasser Briguera, waray rason para ig-undang han gobyerno an paghahatag hin suporta ha WPS matungod ine in ada ha sulod han exclusive economic zone han aton nasud.
Kasumpay hine, papahaluagon pa nira an ira pagbabanatay ha international waters nga sakob hiton EEZ han PH.
