ODD NEWS– SALT Restaurant an ngaran han usa nga restaurant ha Shiraz Iran, matungod nga literal nga himo ini tikang ha asin.
Mababaruan nga tikang ha mga lingkuran ngan lamesa kutob ha mga pader ngan hagdanan in tanan himo ha asin.
An nagdisenyo han Salt Restaurant in an Emtiaz Designing Group ngan nahuna-hunaan nira nga gamiton nga materyales an asin ha ira mga gindidisenyo nga building kontra ha nagtitika grabe nga polusyon ha hangin.
Napili nira an asin matungod nga natural hini nga ginsasara an hangin agud nga matangal an mga nagigin rason han polusyon .
Natural gihapon ini nga disinfectant sanglit nga sakto ini nga materyales para ha usa nga building nga kinahanglan hin kalimpyo han usa nga restaurant.
Mababaruan nga gintikangan nira an pagdisenyo han building pinaagi han pagpili han sakto nga klase han asin nga ira gagamiton ha pagtindog han mao nga building.
Sanglit nga napili nira nga gamiton an mga natural nga asin nga makikit-an ha lawa nga mayda mapag-ad nga tubig nga harani la ha restaurant.
Ginhurma naman nira an disenyo han restaurant tikang ha usa nga salt cave o kuweba nga himo ha asin.
Usa ha mga panuyo han mga nagdisenyo han restaurant in an paupayon an imahe han asin.
Mababaruan nga diri nakaka-upay an asin ha panlawas sanglit nga negatibo an pagkita han iba nga katawhan ha asin.
Sanglit naman nga nahuna-hunaan nira nga magtindog hin Salt Restaurant agud nga igpakita han mao nga restaurant an importansya han asin ha tawo.
