TACLOBAN CITY – Naugbaw ha sunog an usa nga residential house ha Real St. Brgy. Poblacion, Albuera, Leyte.
Gintatagyahan an nasabi nga balay nira Ivanne Villanueva, ngan Socrates Villanueva, mag-asawa ngan residente han nasabi nga barangay.
Sumala kan FO2 Jeruzamel Abulocion, Duty Investigator han Albuera Municipal Fire Station, nga subay ha ira gindumara nga imbestigasyon nga nagsurit an tag-ada han balay ha ira luyo han mga laya nga dahon, ngan kahuman in lumakat ine ha ira panimalay.
Dugang pa han pahayag han tag-iya, han panimalay nga iya pa ginparong an iya ginsuritan pinaagi han butang hin tubig, ngan kumpyansa ine nga parong na an kalayo, pero han iya pag-uli in naabtan nala hine nga nasusunog na an ira panimalay.
Dayon naman nga ginrespondihan han mga tinaglawas han Albuera Fire Station, ngan han Ormoc City Fire Station an nasabi nga sunog, ngan matungod nga madagmit nga nagsarang an kalayo in naugbaw an mao nga panimalay.
Ginbabana-bana naman nga maabot ha P1.5M an ginbabana-bana nga ginbayaan nga danyos han nasabi nga sunog.
Nagpahimatngon naman an nasabi nga opisyal, nga padayon nga huna-hunaon an katalwasan han pamilya ngan panimalay, ilabi na yana nga mapaso an panahon nga kaudgan nakakag-kawsa hin mga sunog.
