TACLOBAN CITY – Ginkoronahan kumo Sangyaw Queen 2025 hi DepEd Tacloban City Representative Miss Karen Raz, ha gindumara nga Search for Sangyaw Queen 2025 kakukop nga adlaw, Hunyo 24.
An nasabi nga aktibidad in kaparte han selebrasyon han kapatrunan han syudad han Tacloban.
Ginbuligan han lima nga maghusay nga kandidata tikang ha magkaduru-dilain nga institusyon han syudad an nasabi nga paisan-isan—han Department of Education, City Government Unit of Tacloban, Bureau of Fire Protection Tacloban, LIGA ng mga Barangay, ngan Office of the Senior Citizens Affairs.
Sumala kan Sangyaw Foundation Inc. President, Ernest Nicky Montejo, mahitungod hine nga paisan-isan in nakabulig ini ha Sangyaw Foundation agud padayon nga tumindog ha kumunidad.
Malipayon naman nga igin pahibaro ni Montejo nga usa ha tumong ngan proyekto nga nahimo han grupo in an panhatag hin mga school supplies ha mga kabataan, community pantry, clean-up drive, blood letting activity, feeding para ha mga malnourished children ngan iba pa.
Samtang, gin kilala naman kumo 1st runner-up hi Keena Mate han Local Government Unit of Tacloban; 2nd runner-up hi Kimberly Ann Lagunzad han Bureau of Fire Protection; 3rd runner-up hi Lucille B. Macato han LIGA han mga Baranagay han Tacloban; ngan 4th runner-up hi Hermiña Peneda han Office of the Senior Citezens Affairs. (via Bombo Niña Magpili)
