Nagsalawad hin panukala nga balaudnon hi Parañaque 2nd District Representative Brian Yamsuan agud masigurado an permanente nga panag-iya han gobyerno ha mga tuna nga gintutukuran han mga pampubliko nga iskuylahan nga presente waray titulo.
Ha ilarom han House Bill (HB) 9477, papadagmitan an pagpapatitulo ngan pagpaparehistro han mga tuna ha ngaran han Department of Education (DepEd) agud malikayan an mga legal nga aberya ha pagpapatukod ngan paghingayad han mga klasrum.
Iginsalawad ni Yamsuan an panukala kasunod han direktiba ni DepEd Secretary Sonny Angara nga magdumara hin “structural safety inspection” ha mga iskuylahana nga naapektuhan han magnitude 7.8 nga linog ha Mindanao dida han Lunes, Hunyo 8.
Sumala ha magbabalaod, dire mareresolba an kakulangan ha klasrum kun padayon nga magkakamay-ada hin problema an panag-iyan han tuna mahitungod ha kawasray dokumento.
Ha report han EDCOM II, ada ha 122,000 nga klasrum na ha nasud an lumahos na ha ira lifespan ngan nanginginahanglan hin kadagmitan nga rehabilitasyon o retrofitting.
