Pabor hi Batangas 2nd District Rep. Gerville Luistro ha pag-aabri han pre-trial conference ha impeachment case ni Vice President Sara Duterte ha media ngan ha publiko.
Manunumduman nga waray abrihi ha media an syahan nga pre-trial ha kaso ni VP Sara ngan pira nga parte la han session an gintugutan nga ig-cover han media, sugad han roll call ha mga umatender nga abogado.
Sugadman, kinahanglan daw gihapon nga maintindihan han publiko an pondo han impeachment court kun kay-ano ginpili hini nga dire abrihan ha publiko an mga nahitatabo ha nasabi nga proseso.
Sumala kan Luistro, mabusisi, pauru-utro, ngan matrabaho an pre-trial conference labi na an pagmarka ha mga ebidensya, sanglit posible nga ginhuhuna-huna ini han impeachment court.
Ha katapusan, igpapagawas daw gihapon an mga gin istoryahan ngan mapapag-istoryahan pa ha mga masunod nga conference, pinaagi han usa nga pre-trial order (report), kun mahuman na an mga serye han conference.
