NATIONAL NEWS– Gindig-unan ni Rep. Leandro Leviste nga igbabandilyo hine an mga ebidensiya han gin-aaligar nga kickbacks ha DPWH projects ha sakto nga panahon, bisan ha kaluyo nga mabiyahe hiya ha iba nga nasud, subay na gihapon ine ha hangyo han iya nanay nga hi Sen. Loren Legarda.
Sumala kan Leviste, ginsagdunan hine nga dire la anay igpagawas an ebidensiya matungod nga dire pa nagyayakan an iba pa nga makakagpamatuod hine, pero may andam hiya nga video ngan dokumento agud nga masigurado nga maipapagawas an kamatuoran.
Dugang pa hine, pananglitan nga maipagawas na ine in maiintindihan ine hiton publiko kun kay-anu hiya padayon nga gin inaatake.
Ginpaangbit gihapon han neophyte lawmaker nga an ebidensiya in kasumpay ha anomalous DPWH projects, nga anay kapot ni Secretary Maria Catalina Cabral, ngan may kasumpay ha gin-aaligar nga pre-assigned projects ha pira nga manbaralaod ngan kontraktor ugsa pa pagdebatihan an budget ha Kongreso.
Nanawagan naman ine ha publiko nga suportahan an mga presente ngan anay opisyal han DPWH nga may kalabutan ha kickbacks agud nga magin whistleblowers.
