NATIONAL NEWS– Nag-aghat hi Akbayan Partylist Rep. Chel Diokno ha Department of Education nga batunon an naeksister nga “culture of silence” han mga biktima hin bullying kahuman han panmusil ha usa nga eskwelahan ha siyudad han Tacloban kun diin tulo nga estudyante an namatay ngan 20 pa an samaran.
Sumala han report, an duha nga menor de edad nga suspek in gin-aariglar biktima han bullying dida han insidente ha San Jose National High School.
Gintagan hin duon ni Diokno nga kinahanglan nga talwas nga lugar an mga eskwelahan ngan waray lugar an bullying ha mga institusyon ha edukasyon.
Nagsiring gihapon an magpapabalaud nga kinahanglan tagan hin atensyon an mga ugat han kamadarahog, lakip na an bullying, mga problema ha panimalay ngan online spaces, sugad man an mga loopholes dida han regulasyon ngan pagpapatuman han mga balaud parti pusil.
Kabahin hini, gin-aghat ni Diokno an DepEd nga magsumite hin pondo para han pagpapahaluag han mga programa kontra ha pan-bully, lakip na an Learner TeleSafe helpline, agud mapakusog an proteksyon ngan kaupayan han mga estudyante.
