Dire la papalagpason ni Akbayan Partylist Representative Perci Cendaña an mga personal nga atake ha iya social media, labi na an mga komento nga gingamit an iya kapansanan agud igpaawod ngan marauton hiya.
Sumala kan Cendaña, normal la an batikos ngan pagsukna ha trabaho han usa nga government official, pero mayda limitasyon an kritisismo kun nahingangadto na ini ha personal nga pag-atake, harassment, ngan hurisdiksyon.
Ginmalatumat han magbabalaod nga nakakarawat hiya di pala maiha hin mga batikos online nga nakapukos ha iya pisikal nga lawas ngan medikal nga kondisyon.
Dugang pa hini, dire niya iginkokonsidera nga problema an lehitimo nga sukna ha iya trabagho kumo public official, pero dire niya papabay-an an paggamit han iya kapansanan agud himuon hiya nga pataraw-an.
Iginpahinumdom ni Cendaña nga an iya kapansanan in resulta han stroke nga iya na-eskperyensyahan.
Gintagan-duon gihapon han magbabalaod nga dire dapat himuon nga intrimis o gamiton kumo armas an kapansanan agud tanggalan hin dignidad an usa nga tawo.
Ginpahayag han kongresista nga nakikigsumpayan na hiya ha iya mga abogado agud pag-adman an posible nga pagpapasaka hin kaso kontra ha mga responsable ha nasabi nga post.
Pero igiduon hini nga an mga pag-atake nga nahingangadto ha harassment, pagpapaawod, ngan diskriminasyo in kinahanglan na atubangon ha ilarom han balaod.
