NATIONAL – Ginsirotan ha Tagum, Davao del Norte hin pagkaka-preso hira ACT Teachers party-list Rep. France Castro ngan anay Bayan Muna party-list Rep. Satur Ocampo.
Maabot ha unom katuig nga pagkaka-preso an ginsirot ha mga ine mahitungod ha daw pagbubutang ha kadelikaduhan ha mga menor de edad dida han Nobyembre 2018.
Ha usa nga 25-pages nga desisyon, natudlok han Tagum Regional Trial Court Branch 2 nga may sala hira Castro, Ocampo, ngan 11 nga iba pa ha pagtakapas ha Seksyon 10(a) ng Republic Act 7610 o an Special Protection of Children Against Abuse, Exploitation, and Discrimination Act.
Gin mando gihapon han husgado nga magbayad an mga ine hin P10,000 kumo civil indemnity ngan P10,000 kumo moral damages ha kada menor de edad, nga may interes nga 6% kada tuig tikang ha pagigin pinal han desisyon kutob ha bug-os nga pagbabayad.
