NATIONAL NEWS– Bumuwelta hi Lanao del Sur Representative Zia Alonto Adiong, an iya nakarawat nga alegasyon kasumpay ha male-maleta nga salapi.
Subay han manbaralaod, dire natugma an nasabi nga alegasyon ha timing han flood control contorversies o ha security systems ha sulod han Mababang Kapulungan han Kongreso.
Ginhimo han kongresista an pahayag kadungan han pagklaro niya ha rason kun kay-anu hiya nagsalawad hin mga reklamo nga libel ngan cyberlibel ala-kontra ha 18 nga bodyguards ni anay Ako Bicol Party-list Representative Elizaldy Co kasumpay ha alegasyon nga nakarawat an manbaralaod hin male-maleta nga salapi.
Subay kan Adiong, madugay na nga gumawas an iya ngaran ugsa paman bumutho an kontrobersiya ha flood control anomaly.
Gindig-unan pa han kongresista na an nakarawat daw niya nga salapi hadton 2023 in waray kamatuoran matungod nga han 2022 la hiya nga natudlok ngan waray pa hiya ginkakaptan nga komite .
