TACLOBAN CITY – Gin-aadman nga gamiton han Samar Electric Cooperative II (SAMELCO) an renewable energy powerplant kumo source han kuryente agud mabaton an problema han hataas nga sukot han kuryente.
Sumala kan Dicson Bernales, Member Education Division Supervisor han SAMELCO II, gin aadman na han ira ahensya an paggamit hin renewable energy kumo source han kuryente nga gagamiton han nasasakupan han SAMELCO II.
Usa an biomass powerplant ha mga ginbabana-bana paggamita kumo source han kuryente kun diin an gin gagamit hine amu an mga baya la nga hagtaas nga banwa o pier grass. Gin susungo ine para padayon nga kumaladkad la an ginlalaso nga tubig ngan an aso naman hine in amu an magpapagana han mga turbines.
Waray naman daw ine maraot nga durot ha kalawasan han mga tawo ngan environment friendly daw ine.
