NATIONAL – Gin poproseso na mahuman nga aprubahan ni Department of Budget and Management (DBM) Secretary Amenah “Mina” Pangandaman an pagpapagawas han sobra P30.409 bilyon nga pondo para ha regular pension requirements han mga militar ngan uniformed personnel para ha syahan nga quarter han tuig-2025.
Ine in ha pagbaton ha direktiba ni Presidente Ferdinand “Bongbong” R. Marcos, Jr. kasumpay ha nasabi nga concern.
Sumala pa kan Secretary Pangandaman, an nasabi nga P30.409 bilyon nga pondo in nakaalutaga para ha Pension and Gratuity Fund (PGF) ha ilarom han Republic Act (RA) No. 12116 o an FY 2025 General Appropriations Act (GAA).
May kabug-usan nga P16.752 bilyon an igin salawad ha Armed Forces of the Philippines – General Headquarters-Proper ngan ha Philippine Veterans Affairs Office ha ilarom han Department of National Defense (DND).
Samtang, haros P13 billion an igin alutaga para ha mga attached agencies han Department of Interior and Local Government (DILG) kaupod an Philippine National Police, Bureau of Fire Protection, Bureau of Jail Management and Penology, ngan National Police Commission.
Para ha 34 pensioners nga ada ha ilarom han National Mapping and Resource Information Authority (NAMRIA) han Department of Environment and Natural Resources (DENR), nagpagawas hi Secretary Pangandaman hin kabug-usan nga P8.530 milyon nga pondo.
An mga funding requirement para ha pagbabayad han mga pensyon ha 2,836 nga retirado nga uniformed personnel han Department of Transportation (DOTr)-Philippine Coast Guard (PCG) para ha parehas nga panahon in nagkakantidad naman hin P350.680 milyon.
An pagpapagawas naman han mga nasabi nga pondo in nakabase ha actual nga pension payroll nga igin salawad naman ha mga nasabi nga MUP agencies dida han Disyembre 31, 2024.
