TACLOBAN CITY — Nanawagan an Philippine Red Cross – Leyte Chapter ha mga blood donor kasunod han pag ubos ha suplay hin dugo ha tungod han ginkakaatubang nga coronavirus pandemic.
Sumala kan Jaime Candelaria, Head han Red Cross Leyte Chapter, nga tungod ha hulga han COVID-19 haros mawarayan na hira hin supply hin dugo nga naihahatag ha mga nanginginahanglan.
Damo daw gihapon an ira mga blood letting activities ha magkadurudilain nga munisipalidad ha rehiyon pero ini in durungan nga na postponed tungod han ginpatuman han hadi nga community quarantine ngan han safety han ira mga staff kontra ha mao nga virus.
Ginklaro naman hini nga waray angay nga igkahadlok an mga donor tungod nga ginpapatuman naman nira an mga health protocols sugad han pagdis-infect ngan physical distancing.
Nakikipagsumpayan na gihapon hira ha mga ahensya han gobyerno ngan pribado nga sektor para ha bloodletting.
