NATIONAL–Opisyal nga magtitikang ha Huwebes, ika 19 han Pebrero an santos nga bulan han Ramadan ha nasud.
Sumala ha National Commission on Muslim Filipinos, nga ine an nagin resulta han moon sightings nga ginbuhat nira upod an Bangsamoro Autonomous Region in Muslim Mindanao (BARMM) Darul Idta ngan pira nga mga Ulama group magin an Philippine Atmospheric Geophysical and Astronomical Services Administration (PAGASA) in waray nira nakit-an an Hilal o nasabi nga bulan.
Ha ginbuhat naman nga anunsyo ni Grand Mufti Sheikh Abdulrauf Guialani of the Bangsamoro Darul-Ifta’ (BDI) ha Shariff Kabuksuan Cultural Complex (SKCC), Bangsamoro Government Center (BGC), in nakakrawat hira hin report han moon sightings tikang ha mga grupo ha Bangsamoro region nga ada ha Manila Bay, General Santos City, Sultan Kudarat, Sarangani ngan Sulu.
Ha nasud, an moon sightings in ginbubuhat ha mga lugar han Cotabato City ngan Manila.
Gin-abisuhan gihapon han NCMF an mga muslim nga nagtratrabaho ha gobyerno ha nasud nga magin flexible ha oras han pagtratrabaho ha bulan han Ramadan.
