NATIONAL–Nanawagan hi House Committee on Ways and Means Chairman ngan Marikina Representative Miro Quimbo hin imbestigasyon ha nagduduro nga mahaluag nga smuggling hin sigarilyo mahuman nga nakumpiska an 32 ka truck hin inaligar nga smuggled cigarettes nga nagakantidad ha P2.6-B han ika 1 han Enero.
Mahitungod hini, ginserbe ni Quimbo an House Resolution 636 kun diin ginhangyo an abtik nga pagtugon han mga appropriate committees nga magbuaht hin imbestigasyon in aid of legislation.
Sumala kan Quimbo, an nasabt nga kargamento in katugbang hin P875-M nga nawawara nga buhis, ngan pruweba nga nabibilin nga seryoso nga problema an iligal nga pagbalyo hin sigarilyo.
Han 2023, ginbabana bana nga P25.5-B an nalugi ha excise taxes mahitungod ha illicit tobacco trade.
Gintagan naman hin duon niya nga ginpapaluya han smuggling an sin tax reforms, pinakahabubo an presyo han sigarilyo, ngan mas ginpadali nga access hini labi na ha kabataan ngan kapobrehan.
Tumong han HR 636 nga ig-usisa an pagpapatuman hin balaod, koordinasyon han ga ahensya, ngan mga sirot in pagpa-kusog ha laban kontra smuggling ngan magserbe nga basehan hin mga bag o nga mga balaod.
