Igin paubaya na han Department of Interior and Local Government (DILG) ha mga private schools an mahugot nga pagbabantay ha mga nasakob ha ira tagsa-tagsa nga school premises agud dayon nga maaresto an mga nagdadara hin mga armas ha sakob han eskwelahan.
Samtang, subay kan DILG Secretary Jonvic Remulla, ha mga pampubliko nga eskwelahan in nagpakalat na hin mga barangay tanod agud magbuhat hin mandatory checking ha mga bag hiton mga estudyante.
Panuyuan han mao nga pitad in agud diri na mautro pa an mga nahinabo nga krimen ha sakob hiton mga eskwelahan.
Dugang pa hini, may-ada gin pla-plano iton Philippine National Police (PNP) nga Quick Reaction Force nga nakatalaan umaksyon ha nasabi nga iristuryahon.
Utro naman nga gin tagan importansya ni Remulla an pagkakamay-ada hin mahugot nga gun control ha nasud kundiin, subay hini sadang nga mas paburobug-aton iton mga sirot ha mga nagpapabaya hiton ira service firearms.
