Ginduon ni House Senior Deputy Minority Leader ngan Mamamayang Liberal Party-list Rep. Leila de Lima nga dire dapat igkonsidera ni Kingdom of Jesus Christ leader Pastor Apollo Quiboloy nga biktima hiya.
Ginmalatumat ini ni De Lima, kasunod han kaso nga libel ngan cyberlibel nga ginsumite ni Quiboloy kontra ha iya, sugadman kanda Sen. Risa Hontiveros ngan Congressman Percy Cendana.
Duon ni De Lima, nga imbes nga karagon an government resources in mas maupay nga depensaron na la ni Quiboloy an iya kalugaringon ha iya mga kaso ha mga makarima-dima nga krimen han panlugos ngan pagkonsidera ha mga kababayen-an kumo mga personal nga kagamitan.
Samtang, sagdon naman ni Cendana kan Quiboloy, nga ig-pokus an iya oras ngan kusog ha pag-atubang ha mga biktima ha korte ha Amerika ngan sana gihapon in magkamayda ini hin pagbasol ha mga ginhimo nga mga krimen.
