TACLOBAN CITY — Natauran na hin kuryente an temporaryo nga ginhimo nga quarantine facility ha Salvacion Heights resettlement site ha Northern Barangay han Tacloban para han mga nagkakaabot nga LSIs ha siyudad.
Sumala kan Vice Mayor Jerry ‘Sambo’ Yaokasin, ha ira pagpanginano ha mao nga quarantine pira ha mga nakita nga problema an kawaray kuryente, tubig ngan alad.
Dayon nga naaksyonan an problema ha tubig ngan alad pero nagpapabilin la gihapon nga ginsosolusyonan an problema ha tubig.
Dugang pa hini nga usa liwat ha ira igtatalinguha na ighangyo yana in kun pupuydi nga mabutangan gihapon hin internet access o wifi an mga quarantine facility ha siyudad agud maiban-ibanan an gin-aabat nga ka bored han mga nagpaka quarantine ngan diri mag agi hin depresyon.
