DOHA, QATAR – Ginkompirma han Qatar Ministry of Defense nga nakakarawat an nasud hin missile attacks samtang aktibo naman ini nga na-intercept han ira mga air defense systems.
Mahitungod hini, nanawagan an gobyerno ha molupyo, residente, ngan mga langyawanon nga magpabilin nga kalmado, sumunod ha mga official instructions, likayan an pagpasarang hin sayop nga impormasyon, ngan didto la kumuha hin impormasyon tikang ha mga opisyal han gobyerno.
Manunumduman nga dida pa han Martes ginpahayag han Qatar nga diri la mga military facility an gintarget han Iran, kundi an bug-os nga teritoryo han Qatar, Upod an Hamad International Airport ngan an mga gas facility ha nasud.
Sumala ha mga awtoridad, nakapalaprak hira hin duha nga Iranian fighter jets nga sinmulod ha ira airspace dida han Lunes.
Dugang pa han mga ini nga andam an Qatar, ngan igpapadayon nira an ngatanan nga kinahanglan agud depensaran an ira nasud.
Gintagan duon han opisyal nga an ira prayoridad yana in an seguridad han molupyo ngan residente han nasud.
