TACLOBAN CITY– Ginpahibaro han Land Transportation Franchising Regulatory LTFRB Region 8, nga dire madadayon an pagsuspender han PUVM program hiton gobyerno.
Sumala kan Veronica Reposar, Transportation Development Officer ll, LTFRB Regional Office Vlll, ine in ha kaluyo han panawagan hiton mga senador ha Senado nga suspendiron ine.
Dugang pa ni Reposar, dinhi ha rehiyon waray may bumalabag o nagriwa kasumpay han modernization program, matungod nga haros tanan nga mga pampubliko nga sarakyan in sumulod ha kooperatiba, o nagsunod naman an mga ine ha ginpatuman han gobyerno nga PUVM program.
Ha pagbana-bana han nasabi nga opisyal, nga haros 90% an compliance han nasabi nga programa.
Ginpaangbit pa hine ha pagkayana, mayda hira naka-schedule for launching han mga bag-o nga unit hiton sarakyan ha Samar area.
