INTERNATIONAL – Ginanunsyo han Kremlin dida han Huybes nga sumugot na hi Russian Pres. Vladmir Putin nga makighampang kan US President Donald Trump, pero waray pa ginpagawas an insakto nga petsa ngan lugar han gaganapon nga pagharampang.
Sumala kan Putin adviser Yuri Ushakov, magtitikang na an pangandaman para ha nasabi nga summit nga magaganap ha mga masunod nga adlaw.
Bisan man ginmalatumat an trilateral meeting kaupod hi Ukrainian President Volodymyr Zelensky, ginsigurado nga an pagharampang in para la kanda Putin ngan Trump.
Ginbuhat an anunsyo kasunod han pagbisita han White House special envoy Steve Witkoff kan Putin kumo kaparte han paningkamot nga maabot an kahimyang ugsa an deadline ni Trump yana nga Agosto 8, kun diin magpapatuman hiya hin mahugot nga sirot kontra ha Russia kun dire ini masunod.
Ugsa hini nagin positibo hi Trump ha nagin maupay nga pakikighampang ni Witkoff ha Russian President ngan ginmalatuamt nga nagkasarabot an mga allied European nga kinahanglan na nga mahuman an gyera ha butnga han Russia ngan Ukraine.
