ENTERTAINMENT – Nagpagawas hin bag-o nga kanta an girl group nga Pussycat Dolls nga may titulo nga “Club Song”.
Ini an syahan nga kanta han grupo nga gin-release mahuman an unom ka-tuig.
An grupo nga ginkukumpunir nira Kimberly Wyatt, Ashley Roberts, ngan an Filipino-American leader nga hi Nicole Scherzinger in urhi nga nagpagawas hin kanta dida han 2020 nga “React,” kun diin kaupod pa nira hira Jessica Sutta ngan Carmit Bachar.
Kaupod gihapon han grupo hi Melody Thornton san-o ini bumulag dida han 2010 agud ipursige an iya solo career, ngan upod liwat hiya han reunion show han grupo dida han 2019.
Sumala han grupo, naga-andam hira yana para han ira 50 nga show ha magkadurudilain nga parte han US.
Ginpasikat han grupo an mga kanta nga “Don’t Cha”, “Beep”, “Buttons” ngan damo pa nga iba.
