TACLOBAN CITY – Usa nga purupanagat an nahisangyad ha baybayon han Old Kawayan, Tacloban City kakulop nga adlaw, Setyembre 12, 2024.
Ginkilala an mao nga purupanagat kan Ronaldo Osias, residente han Sitio Lipgutan, Barangay Balud, Borongan City, Eastern Samar kun diin, nasalbar ini mahuman nga mapansin han mga residente han Old Kawayan nga may naglulutaw-lutaw nga baloto ha kadagatan.
Sumala kan Brgy 102 Old Kawayan, Tacloban City Chairwoman Caroline Bodaño nga daw tikang pa ha Cebu an nasabi nga purupanagat ngan tigda nala nga nawarayan hin gasolina an ginsasakyan hine rason han iya paglutaw-lutaw ha kadagatan.
Ha pagkayana in nakikipagsumpayan na iton barangay 102 ha lokal nga pangobyernuhan han Borongan City agud nga makauli ini nga purupanagat.
