BORONGAN CITY – Gin lunsar han Departmet of Health (DOH) an usa nga serbisyo-panlawas nga “PuroKalusugan” ha bungto han San Julian, Eastern Samar.
An PuroKalusugan in usa nga primary care program nga nagsisigurado nga an kada-Pilipino in magkakamay-ada hin access ha de-kalidad nga serbisyo-panlawas.
Sumala kan Department of Health Provincial Office-Health Team Leader, Dr. Jean Marie A. Egargo, gin himo han gobyerno an Universal Health Care Law agud masigurado nga makakatagamtam an ngatanan han mga Pilipino ha serbisyo-panlawas nga libre, kun dire man libre in abot-kaya.
Ine naman an pinakasyahan nga primary care program ha Eastern Samar nga sakop ha 8-point action agenda han DOH ngan naka-sentro ha panbakuna, nutrisyon, sanitasyon han tubig, maternal health, tuberculosis ngan HIV screening, road safety, pagpugong han non-communicable diseases, ngan cancer treatment, kun diin 343 han mga residente han barangay an tinambong han nasabi nga aktibidad.
Samtang, duha pa naman nga barangay an napili han DOH para han nasabi nga programa, amu an Brgy. San Isidro ngan Brgy. Nena han San Julian, Eastern Samar. (via Bombo Shiela Encio)
