TACLOBAN CITY– Maabot 23 ng panimalay an totally burned samtang 3 naman an partially burned ha natabo nga sunog ha Purok 3, Brgy. Canlapwas, Catbalogan City.
Sumala kan FSINSP Marlou Macabenta City Fire Marshal Catbalogan City Fire Station, subay ha ira gindumara nga imbestigasyon, usa an patay ha nasabi nga sunog.
Dugang pa hine, gin-aaligar nga faulty electrical wiring an gintikangan han kalayo, ngan matungod nga durogkot an mga panimalay madagmit la ine nga ginkaon han sunog.
Ginbabana-bana naman nga maabot ha P2M an inisyal nga ginbayaan nga danyos han mao nga panhitabo.
Mababaruan nga natabo an sunog, pira ka oras la mahuman nga maibalik an suplay han kuryente han nakalabay nga adlaw.
Ha pagkayana, padayon pa an ginhihimo nga imbestigasyon han mga otoridad kun anu an tinuod nga rason han nasabi nga sunog.
