NATIONAL – Nahipatik han Department of Social Welfare and Development (DSWD) an pagbulig han gobyerno ha kabug-usan nga 37,000 nga nagsurender nga mga rebelde pinaagi han livelihood program.
Sumala kan DSWD Undersecretary Alan Tanjusay, dako nga parte han nasabi nga ihap in tikang ha Moro Islamic Liberation Front (MILF), nga may kabug-usan nga 26,000 nga combatants.
Sobra 8,000 han mga ine in mga rebelde nga kaapi han Communist Party of the Philippines-New People’s Army.
Ha parte naman han Moro National Liberation Front (MNLF), mayda an mga ine 2,000 fighters samtang 1,000 naman an membro nga nagtikang ha Abu Sayyaf.
Sumala pa kan Tanjusay, an mga anay rebelde in natagan in kada iya nga livelihood, samtang an iba naman in bumug-os hin mga grupo ngan gintagan hin dagko nga pondo nga maabot ha P100,000 ngada ha P300,000.
