Usa nga 59-anyos nga city councilwoman ha Rotterdam, Netherlands an gin palusad ha iya puwesto han iya kapartido mahitungod ha sobra nga ka edited han iya publicity photo gamit an artificial intelligence (AI) nga rason han ka haros diri na hini pag hikilal-e han publiko.
Nakakarawat hin grabe nga pag sukna hi Patricia Reichman mahuman mag-viral an iya tinuod nga hitsura na subra ka hirayo han iya igin sumiter nga ladawan.
Sumala kan Reichman, himubo an resolusyon han orihinal hini nga litrato nga naging rason han iya pag gamit han online tool agud pa klarohon an nasabi nga litrato.
Dugang pa hini, diri edited an iya litrato ngan iba la an iya hitsura yana mahitungod ha mga gin iinom nga mga medisina.
Gin rakodako pa han pulitiko nga kaudgan hiya mapagkamalan kumo uyab han iya kalugaringon nga anak mahitungod ha iya bata nga hitsura.
Ha kaluyo hini, waray tumuod an iya partido nga Leefbaar Rotterdam ha mga palusot hini. Gin hangyo gihapon han mga ini nga bumul-iw hi Reichman ha iya puwesto mahitungod han klaro hini nga pag peke ngan pag maniobra han iya litrato.
Pero waray sumige hi Reichman nga lumusad ha iya puwesto nga nagin rason naman han dayon nga pag desisyon han partido nga tanggalon hiya.
Ha usa nga opisyal na pamahayag, igin duon han partido nga nakakaguba hin pagtapod han publiko an paggamit hin AI ha litrato mahitungid nga diri ini na sentro ha reyalidad nga iginpapakita nga pagkatawo.
