-- Advertisements --
TACLOBAN CITY -Arestado an usa nga pulis ngan 11 pa nga iba mahuman an gindumara nga operasyon kontra e-sabong ha Barangay Tugbong, Kananga Leyte.
Ginkilala an mao nga pulis kan SSgt. Jeffrey Cabelin, nga presente nga nakadestine ha PNP Regional Office.
Sumala kan PMaj. Ariel Salarda, Hepe han Kananga MPS, subay ha ira imbestigasyon nga an mao nga pulis in usa ha mga maintainer han mao nga e-sabong.
Dayon naman nga napasakahan hin kaso an mao nga pulis kalakip na an iba pa nga mga indibidwal.
Nanawagan naman ini ha publiko nga diri bumulig ha mao nga e-sabong tungod nga ini in mahugot na nga iginbabawal ha pagkayana
