Ginkumpirma han Department of Justice nga ginrekomenda han prosekusyon an pagsusumite han kaso kontra ha pulis nga dada han menor de edad nga nanmusil ha Tacloban City.
Ini in mahuman an gindumara nga pauna nga imbestigasyon ha reklamo nga ginsumite han mga kag-anak ngan estudyante han San Jose Natinal High School kasunod han panmumusil ha sakob han eskuylahan nga iginkamatay han tulo nga estudyante.
Sumala kan DOJ Spokesperson Atty. Polo Martinez, ginrekomenda han Office of the City Prosecutor han Tacloban City an pagsumite han reklamo nga Reckless Imprudence Resulting in Multiple Homicide and Physical Injuries kontra kan PSSG. Arla Ray Pacencia.
Nagawas ha imbestigasyon nga an pusil han pulis an nagamit han menor de edad ha panmusil ha sakob han eskuylahan.
Sumala pa kan Martinez, ginsumite an kaso ha Regional Trial Court han Tacloban City kun diin, naglalaum naman an DOJ nga ma-abante an proseso nga may due process ha kada tagsa kampo.
