TACLOBAN CITY – Nagpakamatay an usa nga pulis ha syudad han Ormoc mahuman nga mahidabi an iya ngaran ha pagpatay ha usa nga 64 anyos nga babaye.
Sumala kan Acting OIC han Ormoc Police Station 1 nga hi PSUPT Carlito Gallardo, nga ginkilala an nagpakamatay nga hi P03 Eleazar Tero , an anay intelligence officer han ira buhatan.
Nabaruaan nga nagpakamatay hi PO3 Tero ha mismo ira panimalay ha Baranggay Curva nga kun diin nagbigti hiya gamit an pisi.
Dugang pa ni PSupt. Gallardo, nga padayon pa nira nga gin babaruan kun ano an rason han pagpakamatay ni PO3 Eleazar..
Ginklaro naman hini nga waray foul play ha mao nga panhitabo.
Sumala pa hini nga diri pa hira maaram an tinuod nga rasun mahitungod mismo la an pamilya han makakagyakan.
Samtang, mahibabaruan nga hi Tero in usa ha walo nga mga pulis tikang ha Ormoc nga narelieve ha pwesto mahuman nga mapasakahan hin kaso nga murder ngan arbitary detention mahitungod han pagkakadabi ha pagpatay han usa nga lagas.
Manunumduman Kaupod ha mga narelieve an Station Commander hini nga hi PCInsp Omar Cartalla, ngan unom nga iba pa nga ginkilala nga hira PO2 Ernie Clemencio, PO1 Ritchie Sy, PO1 Ryan Refuerzo, PO1 Rosealda, PO3 Emanuel Parac, SPO1 Ruben Orsuleno.
