METRO MANILA – Ginaresto ha Prague, Czech Republic an pugante nga hi anay Ako Bicol Representative Zaldy Co mahuman ini sumulod ha mao nga nasud hin waray insakto nga dokumeto, sumala kan Presidente Ferdinand Marcos Jr. dida han Huybes, Abril 16.
Ha pagkayana, in aada ha kustodiya han Czech authorities hi Co samtang nakikipag-sumpayan an gobyerno han Pilipinas agud magbuhat hin mga legal nga pitad para ha iya pagbalik ha nasud.
Naatubang hi Co ha pira nga kaso han kriminal kasumpay han korapsyon ha national budget, partikular ha mga proyekto pan-imprastraktura.
Samtang, mahugot naman ini nga ginpanhimuwa ni Co, sumala hini nga may tarhog ha iya kinabuhi ngan pulitikal an mga kaso nga ginpapasaka kontra ha iya. Duon hini nga iya ginbuhat an pira nga desisyon ha budget insertions basar ha mando han Presidente.
Ha pagkayana, waray pa ginhatag nga eksakto nga petsa para ha extradition ni Co samtang nagpapadayon an mga legal process para mapauli hi Co tikang ha Czech Republic.
