NATIONAL – Ginpahimatngunan an publiko nga magin mahirot ha pag palit han frozen nga manok ha mga wet markets mahitungod ha posible nga epekto hini ha kalawasan.
Ginmalatumat han poultry group nga United Broilers Raisers Association ngan mga medical expert nga maiha na nga pautro-utro nga problema ha nasud an pagbaligya han frozen imported nga manok ha mga wet market.
Ini in pirmi nga mas hamubo an presyo han frozen nga manok. Sugadman, an kadelekaduhan han kontaminasyon han bakterya in mas hataas gihapon ha mga frozen nga produkto matungod ha proseso han packaging ngan storage.
An mga frozen nga produkto in may posibilidad nga gingamitan hin mga kemikal agud malikayan an freezer burn.
Ginmalatumat han mga otoridad nga an mga nasabi nga kemikal in kadaras-an nagreresulta ha simple nga panmumula han panit, pag-sakit han dughan ngan sugad man palpitations.
