TACLOBAN CITY– Ginmalatumat hiton Dean of College ACLC Tacloban, nga may mga posibilidad nga ma-hack an usa nga account pinaagi hiton pag-connect ha mga pampubliko nga Free Wi-Fi areas.
Sumala kan Dean of College ACLC Tacloban, Dr. Cesar Silay, usa ha mga posibilidad an pag-click hiton link na dire naton agsob nakakikit-an ha aton mga account.
Dugang pa hine, likayan nga mag-click hin mga link, nga kun diin may kalakip ine hiton pangaro han personal nga impormasyon.
Pananglitan naman may mga higayon nga karuyag han usa nga inibidwal nga mag register online, panginanuon anay an website ngan link nga tatagan han mga confidential information, agud nga dire ine magamit han mga hacker o scammer.
Nagpahimatngon gihapon ine ha publiko, nga likayan an pagdownload hiton mga application ha mga mobile phones, nga kasagaran nagigin dalan nga ma-hack an account han usa nga inibidwal.
