Karuyag han Philippine Stock Exchange o PSE nga aghaton an mas damo nga small and medium enterprises o SME nga maglista ha stock market pinaagi han pag-iiban han minimum public offer size tikang ha P1 bilyon ngada ha P100 milyon.
Ha surat nga ginpadara ha Securities and Exchange Commission o SEC, ginhangyo han PSE an pag-apruba ha mga pagbabag-o ha listing rules, kaupod an pagtugot ha direkta nga paglista han preferred shares kumo alternatibo ha tradisyunal nga initial public offering o IPO.
Ha ilarom han panukala, pwede maglista hin preferred shares an usa nga kumpanya hin dire naagi ha IPO, basta makabaligya ini hin shares ha dire maubos ha 100 investors ha sulod han usa katuig ngan makatiok hin dire maubos ha P50 milyon tikang ha post-listing distribution.
Kaupod gihapon ha mga iginsuhestyon nga pagbabag-o an pag-iiban ha minimum nga ihap han stockholders, pagtanggal ha minimum public ownership requirement, ngan pagpapasimple ha disclosure rules ngan iba pa nga proseso agud mas mapadali an pagsulod han mga SME ha stock market.
