SPORTS–Hul-os na an ginbubuhat nga pngangandam han Philippine Sports Commission (PSC) para ha hosting han nasud han Womens Tennis Association (WTA) 125 nga bubuhaton ha Rizal Memorial Sports Complex.
Sumala kan PSC Chairman Patrick Gregorio, ada na ha 80% an pangandam han venue.
May pira nga mga gin-aayos ha mga court nga gagamiton sugad han pagtaod hin mga dugang nga suga ngan pagpintar.
Nagbuhat na gihapon an Philippine Tennis Association hin pira ka mga mulay para ma-testingan kun ano pa an kinahanglan nga mga improvements ha nasabi nga court.
Labot la kan Alex Eala in nakakarawat gihapon gin wildcard hi Tennielle Madis han M’lang, Cotabato, para makamulay ha nasabi nga torneo.
An pagmumulay naman ni Eala in madepende ha resulta niya ha Australian Open.
Bubuhaton naman an WTA 125 event tikang han ika-26 kutob 31 han Enero.
