TACLOBAN CITY – Nagpapadayon an mga aktibidades nga gindudumara han Philippine Statistics Authority (PSA) may paghisumpay han selebrasyon han Civil Registration Month yana nga bug-os nga bulan han Pebrero.
Sumala kan Sheryl Ann Jamisola, Chief Statistical Specialist han PSA Leyte Provincial Office, yana nga tuig an selebrasyon han 31st Civil Registration Month in nakapailarom ha tema nga “Strengthening Civil Registration and Vital Statistics’ Digital Information: The Ways to Manage the New Normal”.
Nakasentro an selebrasyon ha pagpadangat ha publiko bahin han importansya han civil registration.
Kalakip han mga aktibidad han PSA Leyte para han selebrasyon han Civil registration Month amo an trivia game on air ha Bombo Radyo Tacloban, Siday-making contest ngan iba pa.
