NATIONAL – Nahipatik han Department of Budget and Management (DBM) an kabug-usan nga gastos han gobyerno han han Pilipinas para ha mga igintutukod nga imprastraktura nga umabot na ha kabug-usan nga P1.142 trillion para ha syahan nga tulo ka-quarter han presente nga tuig.
Mas hitaas daw ine hin 11.9% kumpara dida han nakalabay nga tuig kun diin nahipatik ha kaparehas nga quarter an P1.021 trillion nga nagin gastos han gobyerno. Triple naman an igin hitaas hine kumpara ha P807 billion nga nagastos han gobyerno dida han 2021.
Dugang pa han DBM dida han 2020, dida han kakusgan han pandemic in umabot la ha P595 billion an nagastos han gobyerno para ha mga imprastraktura samtang P911.6 billion naman an nagastos para ha tuig 2022.
An nasabi nga mga imprastraktura daw in agud mga mabaton an pagpapaursa han ekonomiya han Pilipinas kun diin target han gobyerno nga ma-hit an unom ngada ha pito ka-porsyento nga growth rate para ha 2024.
Dako gihapon an ambang hine han construction, kun diin 6.4% han GDP growth rate an nakita ha second quarter ha presente nga tuig.
Pero huminay naman hin gutiay an pag-ursa han ekonimiya ha 5.2% ha ikatulo nga quarter han tuig mahitungod ha mga naglabay nga mga kalamidad nga nagbilin hin dako nga epekto ha agrikultura, ngan turismo, rason para ma-delay an construction project han nasud.
