-- Advertisements --
TACLOBAN CITY–Pagdudumaraon an Provincial Meet yana nga ika 6-9 han Pebrero 2026 ha bungto han Balangkayan Eastern Samar.
Sumala kan Abner Aclao, Division Information Officer han Department of Education (DepEd) Eastern Samar, nga gin-adjust nira an mao nga iskedyul ngan usa hira ha pinaka-urhi nga division nga magbubuhat hin provincial meet.
Mahitungod naman ini nga ginhuhulat pa nira an pagtindog han OVAL sports complex ha ira host nga an bungto ine an Balangkayan.
Ha lain nga bahin, ginpaangbit naman ni Aclao, nga andam na an ira mga atleta nga makig-kompetisyon ha ira mga igkasi- atleta ha pagpili han mga players para han Eastern Visayas Regional Athletic Association (EVRAA) yana nga ika 1 kutob 7 han Marso 2026 ha siyudad han Baybay City.
