TACLOBAN CITY – Nagdudumara na hin imbestigasyon an Leyte Provincial Health Office kasumpay han iginlabog nga mga gamit na nga COVID rapid test kits ha kalsada han Barangay Balinsasayao ha Abuyog Leyte.
Una hini in naalarma an mga residente han mao nga barangay han makitan an pira ka karton hin mga gamit na nga rapid test kits ha nga ginlabot la ha gilid han kalsada.
Sumala kan Dr. Lesmes Lumen, Leyte Provincial Health Officer, nga diri tikang ha Abuyog an nakitan nga mga test kits tungod iba nga klase hin rapid test kit an gingagamit han mao nga bungto.
Gin-aalegar nga tikang ha iba nga lugar nga may private health facility an naglabog han mao nga mga test kits.Dugang pa hini nga may mga protocols nga ginsusunod ha paglalabog hin mga infectious nga butang agud nga malikayan an kontaminasyon han sakit ngan an mga magtatalapas o diri magsusunod hini in may kaaatubang nga kaangayan nga penalidad.
