TACLOBAN CITY – Nagplaplano an Provincial Government han Leyte nga magtindog hin museum nga kun diin didto igbubutang an mga artifacts ngan magkadurudilain pa nga mga gamit hiunong han nagin history han probinsya han Leyte lakip na an nanabo nga Leyte Gulf Landings.
Sumala kan Leyte Governor Jericho Icot Petilla nga kinahanglanon na nga igredirect ngan ig immortalize an nanabo nga Leyte Gulf Landings labi na nga hinay hinay na nga naiibanan an mga beterano.
Subay ha impormasyon han Provincial Government in mayda nala nabibilin nga 30 nga mga beterano an nabubuhi ha pagkayana.
Gintagan gihapon hin duon ni Petilla nga diri la dapat magpabilin nga maghahatag la an provincial government hin mga incentives o kun ayuda, mahitungod nga ini nga mga butang in madali daw la nga mawara ngan maubos.
Pero kun mapreserba an mga isturya ngan sugad man mga higamit in magpapabilin ini ha bawbaw han kalibutan ngan puydi mabisita ngan makita o mabatian an isturya hiunong ha Leyte Gulf Landings ngan pati na gihapon an history han probinsya.
