Pormal nga iginlatag han Pilipinas an RISE Agenda agud bug-oson an mas madig-on nga proteksyon ngan disaster response para ha 11 nga nasud han Association of Southeast Asian Nations (ASEAN) ha kahuhuman la nga 35th ASEAN Socio-Cultural Community (ASCC) Council Meeting.
Gin pangunahan ni Department of Social Welfare and Development (DSWD) Secretary Rex Gatchalian, nga natindog nga chair han nasabi nga council, an pagduduso han inisyatibo.
Nakatutuok an agenda ha family resiliency, youth empowerment, ngan inclusive development nga direkta nabaton ha panginahanglan han mga bulnerable ng sektor ha rehiyon.
Kaupod ha mga partikular nga pitad an pagpapaupay han alternative child care policies, pagduso ha active ageing kasugbong an pribado nga sektor, ngan an responsable nga paggamit han artificial intelligence (AI) han mga kabataan.
Kadungan hini, iginduso gihapon han delegasyon han nasud an MANILA-ASPECT Framework.
Panuyo hini nga pakusgon an regional interoperability agud masigurado an malaksi, people-oriented, ngan rights-based disaster response ha butnga han mga ayat ha environmental sustainability ngan food security.
Ha paghuhuman han pagharampang, nanawagan an Pilipinas hin mas halarom ngan abri nga kooperasyon ha han-ay han mga kaalyado nga nasud.
