Nag-isyu na hin special permit para ha Large Taxpayers Service an Bureau of Internal Revenue (BIR) para ha emergency importation han petroleum products han Philippine National Oil Company Exploration Corporation (PNOC EC).
An pitad in kaparte han baton han gobyerno ha ilarom han executive order nga nagdedeklara hin State of National Energy Emergency ngan nagtutuot ha unified package for livelihoods, industry, food, and transport.
Ginbuhat ini han BIR mahuman nga magpaabot hin impormasyon an PNOC nga dayun hini titikangan an pag-angkat han mga produkto nge petrolyo kumo usa nga emergency measures.
Gin aandaman na gihapon han BIR an mga masunod pa nga pag-aangkay han krudo han PNOC pinaagi han paghingayad han mga kinahanglan nga dokumento para ha mas malaksi nga proseso tikang ha ira parte.
Sumala kan Commissioner Charlito Martin Mendoza, pinaagi han Large Taxpayers Service padayon hira nga makikigsumpayan han PNOC agud masigurado an napapanahon nga pagproseso han mga kinahanglan para ha presente ngan gin kakaatubang pa nga emergency fuel importations han nasud.
