Mahugot nga ginbaribaran han House prosecution panel nga nahadlok hira kan Office of the Vice Pres. Chief-of-staff Atty. Zuleika Lopez sanglit waray na ini nira ginsalang kumo testigo ha impeachment trial ni Vice President Sara Duterte.
Sumala kan Private Prosecutor Atty. Lorna Kapunan, an desisyon han prosekusyon in basar ha ira evaluation nga damo na iton ebidensya nga ira nailatag may paghisumpay han pag-atubang han mga testigo nga hira National Bureau of Investigation agent John Mark Calilung ngan Regional Director Atty. Jeremy Lotoc.
Eksplikar ni Kapunan, nga kun igsasalang hi Atty. Lopez ngan House Sergeant at Armas Captain Belinda Bello, in magigin “redundant” o pauro-utro na an presentation han mga ebidensya kasumpay ha panarhog han Bise Presidente kan Pres. Ferdinand Marcos Jr. ngan iba pa nga mga personalidad.
Gintagan duon pa ni Kapunan nga waray nahitabo nga backdoor channeling o kamanduan ha butnga han prosekusyon ngan depensa agud i-atras an pagtestigo ni Atty. Lopez.
