TACLOBAN CITY– Humitaas an proposed budget han mga Universities and Colleges ha Eastern Visayas para ha 2026 kun diin maabot ine ha P8.6-B tikang ha anay P7.2-B yana nga 2025.
Ha pagkayana, mayda 10 nga State Universities and Colleges ha bug-os nga Eastern Visayas sugad hiton Biliran Province State University, Leyte Normal University, Eastern Visayas State University, Samar State University, Eastern Samar State University, Southern Leyte State University, North West Samar State University, Visayas State University, Universitu of Eastern Philippines ngan damo pa nga iba, kun diin kasagaran ha mga ine in nakakag-produce hiton mga topnotchers ha magkalain-lain nga licensure examination ha nasud.
Kalakip ha proposed budget han rehiyon para ha 2026 in an Personnel Services salaries, benefits han mga regular employees, MOOE, ngan Capital Outlay.
Sumala kan Philippine Association of State Universities and Colleges Region 8 President Dr. Victor Cañezo Jr., ginlalauman nga mas magigin maupay pa an serbisyo han mga kolehiyo ha masunod nga mga tuig labi na posible mabayaran na an mga ine ha ira budget defficiency.
Dugang pa ni Cañezo nga gin-aruan na hira hiton Top 3 nga mga wish list nga infrastructures para ha capital outlay.
An paghitaas han budget in na ngangaruyag sidngon la nga mas nagtitikadmo an mga nagpapa-enroll ha kolehiyo, nga magbubutang naman ha maupay nga kabutang han mga unibersidad ngan kolehiyo ha Eastern Visayas.
